Вобаста ба иҷрои фармони Президенти мамлакат муҳтарам Эмомалӣ Раҳмон, аз 10.02.2014 таҳти рақами № 159 «Оид ба расонидани кӯмакҳои моддӣ ба пиронсолон, маъюбон, кӯдакони муассисаҳои махсуси иҷтимоӣ, оилаҳои иштирокчиёни Ҷанги Бузурги Ватанӣ, оилаҳои камбизоат ва оилаҳое, ки дар онҳо аз ду нафар зиёд маъюбон зиндагӣ мекунанд», мувофиқи нақшаи кори дар арафаи идибайналмилалии Наврӯз -2019 хатнасури хайриявии 31 нафар кӯдак аз оилаҳои камбизоат ва чорҷуфт туйи домодиву арӯсии хайриявӣ гузаронида шуда, ба дигар табақаҳои гуногуни ниёзманди аҳолӣ низ дасти мадад дароз карда шуд.
Дар маҷмӯъ, дар арафаи иди байналмилалии Наврӯз-2019 аз тарафи мақомоти иҷроияи маҳаллии ҳокимияти давлатии шаҳри Хоруғ ба ниёзмандон ва оилаҳои камбизоат, маъюбон, собикадорон ба маблағи 36,000(сиву шаш ҳазор) сомонӣ кумаки молию пулӣ расонидашуд.
Дар арафаи Иди Саиди Фитр бошад, бо ташаббуси мақомоти иҷроияи маҳаллии ҳокимияти давлатии шаҳри Хоруғ зиёда аз 31 750 сомонӣ садақаи Фитр дода шуд.
Дар ҳамкорӣ бо шуъбаи дини вилоятӣ оиди беҳтар ба роҳмондани иҷроиши Қонуни Ҷумҳурии Тоҷикистон «Дар бораи танзими анъана ва ташну маросим дар Ҷумҳурии Тоҷикистон» дар таърихи 4-уми моҳи июни соли 2019 дар арафаи анҷомёбии моҳи шарифи Рамазон ва Иди Саиди Фитр бо сарварони тарабхонаҳои ҳудуди шахри Хоруғ корҳои фаҳмондадиҳӣ гузаронида шуданд.
Дар Иди Қурбон кумакҳои хайриявӣ аз тарафи хизматчиёни давлатӣ, соҳибкорон, раисони маҳаллаҳои шаҳр, ташкилоту муассисаҳои дахлдор ва иттиҳодияҳои динӣ ба шахсони мӯҳтоҷ дар маҷмӯъ 11 850 сомониро таш кил дод.
Дар арафаи ҷашнгирии 28-солагии Истиқлолияти давлатии Ҷумҳурии Тоҷикистон бо ташаббуси мақомоти иҷроияи махаллии ҳокимияти давлатии шаҳриХоруғ ба шах сони муҳтоҷ ва камбизоат, қисми ҳарбии сарҳадбонон ба маблаци 13 600 сомонӣ дасти мадад дароз карда шуд.
Дар арафаи Соли нави милодӣ аз тарафи мақомоти иҷроияи маҳалии ҳокимияти давлатии шаҳри Хоруғ ва бо супориши бевостаи раиси шаҳри Хоруғ Кишвар Шамирӣ барои зиёда аз 30 нафар собиқадорон ва маъюбон кумаки модди аз намуди орд, равған, биринҷ расонида шуд ки маблағи умумии он 15 900 сомониро ташкил дод.
