Дар Маркази омодагии олимпии шаҳри Хоруғ бахшида ба “Моҳвораи ҷавонон” байни толибилмони синфҳои болоии мактабҳои таҳсилоти миёнаи шаҳр мусобиқаи футболи хурд гузаронида шуд.
Чорабиниро Бахши кор бо ҷавонон ва варзиши шаҳр доир намуда, дар он 14 даста барои ба даст овардани Ҷоми бахш бо ҳам мусобиқа карданд.
Ҳамин тавр, даври охир бо пирӯзии Мактаб – литсейи Оғохон анҷом ёфта, ин муассисаи таълимӣ Ҷоми бахшро соҳиб гашт.Ҷойҳои дуюму сеюм насиби МТМУ № 5 ва мактаби № 7 шуданд.
Ғолибонро мудири бахш Имомёрбек Имомёрбеков бо медалҳо сарафроз намуд.
Javonon.tj
