Дар шаҳри Хоруғ бо ҷалби зиёда аз 250 нафар толибилмони синфҳои 11 - и мактабҳои таҳсилоти миёнаи умумии шаҳр мусобиқаи ҳарбӣ – варзишии “Шафақ” гузаронида шуд.

Дар ин бора мудири Бахши кор бо ҷавонон ва варзиши шаҳр Имомёрбек Имомёрбеков иттилоъ дода гуфт, ки чорабинии ватандӯстона бо иқдоми бахшу ҳамкории Ташкилоти мададгори мудофиаи ВМКБ сурат гирифта, дар он иштирокдорон асосан аз рӯи бартарият нишон додан дар вазъу ҳолатҳои фавқулода, тарзи рафтани шикамғеҷ (по - пластунский), пӯшидани ниқоби зидди газ, ба қисмҳо ҷудо кардану васл кардани милтиқи автоматӣ ва ғайра бо ҳам рақобат карданд.

Мувофиқи натиҷаҳои умумӣ дар мусобиқа МТМУ № 1 сазовори ҷои якум ва мактаб – литсейи Оғохону мактаби Президентии вилоят зинаҳои дуюм ва сеюмро ба даст оварданд. Ба ғолибон тӯҳфаҳои хотиравӣ дода шуд.

javonon.tj