Ҳамдиёрони азиз!
Имрўз мардуми созандаи тоҷик дар арафаи таҷлили яке аз санаҳои муҳими замони соҳибистиқлолии кишвари маҳбубамон-таҷлили Рўзи Президенти Ҷумҳурии Тоҷикистон қарор дорад.
Президенти кишваре будан зоҳиран як амри табиӣ ва оддӣ метобад, аммо дар асл як масъалаи ҷиддӣ ва андешахоҳи рўз аст. Яъне ҳар кас ҳуқуқи Президент шуданро дорад, аммо суоли матраҳ ин аст, ки оё ҳар кас метавонад дар ин мақоми сарварӣ рисолаташро бо сарбаландӣ анҷом диҳад. Агар ба таърих бинигарем шахсиятҳое буданд, ки дар мақоми роҳбарӣ ба давлату миллати худ хизмати мондагор кардаанд ва номашон дар китоби таърихи инсоният абадан сабт гардидааст.
Дар ин радиф яке аз шахсиятҳои ҷаҳонӣ Асосгузори сулҳу Ваҳдати миллӣ - Пешвои миллат, Президенти кишвар, муҳтарам Эмома Раҳмон мебошад, ки дар замони муосир раҳнамои ҳақиқӣ ва ҳодии асили миллати тоҷик шуморида мешавад. Ба мақоми Президенти мамлакат расидан худ боварию эътимоди комили мардумро сазовор шудан аст. Мақоми Асосгузори сулҳу Ваҳдати миллӣ -Пешвои миллатро дарёфтан аз ҷониби Эмомалӣ Раҳмон маънои муҳаббату садоқати мардумро ба даст овардан аст. Муҳаббату самимияти миллати тоҷик нисбати ин абармард буд, ки Пешвои миллат, Президенти мамлакат муҳтарам Эмомалӣ Раҳмон дар интихоботи Президенти Ҷумҳурии Тоҷикистон, ки 11 октябри соли 2020 баргузор гардида буд, зиёда аз 90 фоизи овозҳоро соҳиб гардида, ба бахти миллати тоҷик бори дигар Сарвари давлат интихоб гардид. Маҳз дар ин маъракаи муҳими сиёсӣ мардуми шарифи кишвар баҳри рушди минбаъдаи Тоҷикистони соҳибистиқлол боварии худро ба Пешвои миллат тариқи овози худ исбот сохтанд.
Мехоҳам вобаста ба хизматҳои арзандаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар роҳи эъмори давлатдории навини тоҷикон қайд намоям, ки кишвари мо маҳз бо талошу заҳматҳои Ҷаноби Олӣ сиёсати дохилию хориҷии худро ба таври мустақил ба роҳ монда, ба созмону ташкилотҳои бонуфузи ҷаҳонӣ шомил гардид ва бо кишварҳои ҷаҳон робитаҳои дўстона ва дипломатиро пиёда намуд.
Имрўз зиёда аз 150 кишвари ҷаҳон Ҷумҳурии Тоҷикистонро ба расмият шинохта, пешниҳодҳои кишвари моро оиди проблемаҳои глобалии ҷаҳон эътироф менамоянд. Боиси ифтихори мо тоҷикон аст, бо ҷонибдории зиёда аз 120 кишвари дунё чор ташаббуси Тоҷикистон дар соҳаи об ҷонибдорӣ ёфта, ташаббуси чоруми кишвари мо Даҳсолаи амал «Об барои рушди устувор, солҳои 2018-2028» қабул гардид, ки дар қабули он саҳми Пешвои миллат ниҳоят бузург аст.
Маҳз таҳти роҳбарии ин фарзанди фарзонаи миллат кишвари мо ба Ваҳдати миллӣ ноил гашта, пас аз солҳои 2000-ум ба марҳалаи рушди устувор ворид гардид. Дар ин радиф Вилояти Мухтори Кўҳистони Бадахшон бахусус шаҳри Хоруғ низ рушди босуботи худро пайдо намуда, аз бунбасти коммуникатсионӣ раҳо ва истиқлолияти энергетикии худро комилан таъмин намуд. Имрўзҳо бо дастгирии Ҳукумати Ҷумҳурии Тоҷикистон корхонаҳои саноатӣ низ дар ин минтақа оғоз гардида, ҳадафи чоруми давлату ҳукумат-саноатикунонии босуръат низ дар амал татбиқ гардида истодааст.
Ҳамдиёрони азиз!
Р ўзи Президент дар таърихи давлатдории навини тоҷикон воқен р ўзи таърихӣ ва хотирмон аст, зеро маҳз 16-ноябри соли 1992 муҳтарам Эмомалӣ Раҳмон дар Иҷлосияи таърихии шонздаҳуми Ш ўрои Олӣ Раиси Шўрои Олӣ интихоб гардида, роҳу усули эъмори давлатдорию давлатсозии тоҷиконро ба таври дигар амалӣ намуд. Инчуни 16 ноябри соли 2018 аввалин чархаи Неругоҳи обии барқии Роғун, ки иншооти бузурги аср мебошад, бо иштироки Роҳбари давлат ба кор андохта шуд, ки ин падидаи сиёсӣ ба пешрафти минбаъдаи кишварамон такон хоҳад бахшид.
Дар фарҷоми сухан мехоҳам иброз намоям, ки дар чунин марҳилаи ҳассоси таърихӣ бо назардошти вазъи зудтаъғирёбандаи ҷаҳони муосир ва авзои ноороми сайёра барои ҳар яки мо зарур аст, ки бо дарки масъулияти баланди шаҳрванд ва ифтихори волои ватандор атрофи сиёсати созанда, бобарор ва дурбинонаи Президенти кишварамон, Пешвои миллат муҳтарам Эмомалӣ Раҳмон муттаҳид шавем ва ҳамчун рамзи садоқат ба Президент ва наслҳои оянда инчунин пешрафту шукуфоии кишварамон содиқона хизмат намоем.
Бо изҳори чунин суханон ҳамаи мардуми бостонии тоҷикро ба муносибати Рўзи Президенти Ҷумҳурии Тоҷикистон самимона табрик гуфта, ба Президенти кишвар ва хонаводаи ҳар як тоҷикистонӣ саломатию сарфарозӣ, бахту иқбол ва барои кишвари маҳбубамон пешрафти босуботро таманно дорам.
Рўзи Президент муборак, ҳамдиёрони азиз.
