Дар шаҳри Хоруғ бо ташаббуси Бахши кор бо ҷавонон ва варзиши шаҳр дар ҳамкорӣ бо Шуьбаи ҳифзи ҳуқуқи кӯдак байни хонандагони мактабҳои таҳсилоти миёнаи умумӣ мусобиқаи варзишӣ аз намуди шоҳмотбозӣ оғоз гардид.

Тавре мудири бахш Имомёрбек Имомёрбеков иттилоъ дод, чорабинӣ ба муносибати Рӯзи байналмилалии ҳифзи кӯдакон ташкил шуда, ҳадаф аз баргузории он тақвият бахшидани нерӯи зеҳнии мактаббачагон ва ба ин васила рушди шоҳмот дар муассисаҳои таълимӣ мебошад.

Мавриди қайд аст, ки мусобиқа то 1 июн – Рӯзи ҳифзи кӯдакон идома ёфта, ғолибонро туҳфаҳои ҳархела интизор аст.

javonon.tj

Бо иштироки раиси шаҳри Хоруғ Кишвар Шамирӣ ба ифтихори Рӯзи ҷавонони Тоҷикистон дар маҷмааи варзишии шаҳр мусобиқаи ҷумҳуриявӣ аз намуди гӯштини тарзи озод байни наврасони синну соли 2002 – 2004 доир гашт.

Чорабинии варзишӣ дар доираи нақшаи чорабиниҳои Кумитаи кор бо ҷавонон ва варзиши назди Ҳукумати кишвар рӯи кор омада, дар он 84 нафар паҳлавонон аз шаҳри Душанбе, вилоятҳои Суғду Хатлон ва ВМКБ бо ҳам қувваозмоӣ карданд.

Аз рӯи натиҷаҳои охир дар ҳайати даставӣ дастаи мунтахаби шаҳри Душанбе ҷойи якумро ба даст оварда, зинаҳои дуюму сеюмро тимҳои мунтахаби Хатлон ва Душанбе 2 ишғол намуданд.

Дар фарҷоми мусобиқа ғолибон бо медалу ифтихорномаҳо қадрдонӣ шуданд.

Ғолибони мусобиқаи ҷумҳуриявӣ:

Дар вазни 45 кило:

1. Тавралиев Муҳамади – Хатлон 1
2. Қурбоншоев Алишо – ВМКБ
3. Ҳалимов Қаюмҷон – Душанбе

III. Ҷамилов Билол – Душанбе

Вазни 48 кг

1. Қаюмов Маҳмадсоле – Суғд
2. Баҳромов Спартак – Душанбе
3. Одилов Адиб – ВМКБ

III. Маҳмадов Маҳмадшариф – Душанбе

Вазни 51 кг:

1. Собитов Нурмуҳаммад – Суғд
2. Маликов Ҳасан – Душанбе
3. Меликов Ҳусейн – Душанбе

III. Ғайратов Далер – Душанбе

Вазни 55 кг:

1. Абдуллоев Муҳаммади – Душанбе
2. Додаров Муҳаммадҷон – Душанбе
3. Саидов Беҳзод – Душанбе

III. Умаров Аминҷон – Хатлон 2

Вазни 65 кг:

1. Ҷураев Маъруф – Душанбе
2. Умаров Шомансур – Хатлон 2
3. Наимов Сайдамин – Душанбе

III. Ғарибмамадов Мурид - ВМКБ

Вазни 71 кг:

1. Холов Усомҷон – Хатлон 2
2. Юнусов Юнусҷон – Душанбе
3. Мирзоев Ғанишер – Суғд

 III. Парпаев Муҳаммадислом – Суғд

Вазни 80 кг:

1. Шаҳриёри Рустам – Хатлон 2
2. Бобохонов Башир – Душанбе
3. Азизов Манучеҳр – Суғд

Вазни 92 кг:

1. Мирзоев Раҳимҷон - Хатлон 2
2. Бобоев Муҳаммад – Суғд
3. Файзиев Расул Акрам - Душанбе

Рӯзи ҷавонони Тоҷикистон дар шаҳри Хоруғ бо дастгирӣ ва ибтикори раиси ВМКБ Ёдгор Файзов ва раиси шаҳри Хоруғ Кишвар Шамирӣ бо як шукуҳу шаҳомати хоса таҷлил гардид.

Дар чорабинии идона ҷавонони шаҳру ноҳияҳои вилоят, масъулини Раёсати кор бо ҷавонон ва варзиш, муовинони раисон, роҳбарону кормандони идораву муассисаҳои маҳаллӣ, омӯзгорону донишҷӯёни Донишгоҳи давлатии Хоруғ ба номи Моёншо Назаршоев, Омӯзишгоҳи тиббӣ ва варзишгарони шаҳру вилоят ҳузур доштанд.

Нахуст раиси вилоят Ё. Файзов зимни баромади хеш дар симои ҷавонони вилоят ҳамаи ҷавонони Тоҷикистонро ба муносибати рӯзи идашон табрик намуда гуфт, ки дар ҳамаи давраҳо давлату миллат ба наслҳои худогоҳ ва соҳибмаърифат ниёз дошта, маҳз ин нерӯи созанда метавонад дар рушду пешрафти ҳар кишвар нақши асосӣ бозад:

«Ҳар кору амале, ки аз дастамон меояд, танҳо ба хотири ободии Ватан, пешрафти Тоҷикистон ва суботу оромии он равона менамоем. Шумо ҷавонон низ вазифадоред, ки илму дониш ва касбу ҳунарҳои замонавиро омӯзед, то фардои  миллату мамлакатро равшану мунаввар созед. Зеро Ватанро фақат ҷавонони босаводу соҳибкасб обод карда, ба он шаъну шӯҳрат мебахшанд».

Баъди барномаи фарҳангӣ ва созу суруд, ки дар толори асосии мақомоти маҳаллӣ бо ширкати ҳофизону ҷавонони шаҳру вилоят сурат гирифт, идомаи чорабинӣ дар Маҷмааи варзишии шаҳр рӯи кор омад.

Дар маҷмаа беҳтарин гӯштингирон бо ҳам ракобат карда, мусобиқаи гӯштини миллӣ дар сатҳи баланд гузаронида шуд ва ғолибон бо туҳфаҳои гуногун сарафроз гаштанд.

Сипас дар театри тобистонаи Боғи фарҳангӣ – фароғатии шаҳр баҳри болидахотирии ҷавонон барномаи хотирмони “Шоми ҷавонӣ” гузашта, беҳтарин санъаткорону сарояндагон ва ҳаваскорони ҷавон дар он ҳунарнамоӣ карданд.

Хадамоти матбуоти

МИМҲД – и шаҳри Хоруғ

Зери ҳамин унвон имрӯз, 22 май дар шаҳри Хоруғ бо ҷалби зиёда аз 6 000 нафар ҷавонону наврасон аксия баргузор гардид.

Чорабинӣ бо иқдоми раиси шаҳри Хоруғ Кишвар Шамирӣ, Раёсати кор бо ҷавонон ва варзиши ВМКБ, намояндагони Ҳизби Халқи Демократии Тоҷикистон дар вилояту шахр гузашта, инчунин дар он масъулину кормандони мақомоти ҳокимияти давлатии вилояту шаҳр, Бахши кор бо ҷавонон ва варзиш, идораву муассисаҳо, зиёиён, варзишгарон ва донишҷӯёну толибилмон ҳузур доштанд.

Иштирокдорон аз варзишгоҳи марказии шаҳр то Майдони Исмоили Сомонӣ бо аксҳои Қаҳрамонони Тоҷикистон, Парчаму Нишон ва Конститутсияи ҷумҳурӣ, шиорҳои «Пешвои миллат рамзи иттиҳоду сарҷамъии мо ҷавонон!», «Пешвои миллат, мо ҷавонон бо Шумоем!», «Ваҳдату Истиқлолият дастовард ва пирузиҳои мо ҷавонон», «Аҳли Донишгоҳи Хоруғ бо Шумоянд, Пешвои Миллат!» ҳаракат намуданд.

Дар майдони Исмоили Сомонӣ бошад раиси шаҳри Хоруғ Кишвар Шамирӣ ҳозиринро ба муносибати Рӯзи ҷавонони Тоҷикистон табрик намуда гуфт, ки маҳз дар замони соҳибистиқлолии кишвар Пешвои муаззами миллат муҳтарам Эмомалӣ Раҳмон ба таҳким ва боло бардоштани сиёсати давлатии ҷавонон замина гузошт ва ҳоло фаъолияту ҳиссагузории ҷавонон дар пешбурди ҳамаи соҳаҳои хоҷагии халқ назаррас мебошад.

Баъдан дар Боғи мазкур барномаи хотирмони консертӣ пекаши ҷамъомадагон гардид.

Хадамоти матбуоти

МИМҲД – и шаҳри Хоруғ